سورت فاتحہ مکی ہے یا مدنی؟//فاتحہ کا شمار مکی سورتوں میں ہے یا مدنی میں؟

 

                                                                  سورۃ فاتحہ

اب اس درس میں ان آٹھ امور اور ابحاث کی اطلاق سورۃ فاتحہ پر کرتے ہیں ،جو ہم نے پہلے درس میں پڑھے۔یعنی ان امور اور ابحاث کی روشنی میں سورۃ فاتحہ کی تشریح کرتے ہیں۔

امر اول                       : :         سورۃ فاتحہ مکی سورۃ ہے یا مدنی یا دونوں؟

                                    مفسرین علماء کا اس میں اختلاف ہے کہ سورۃ فاتحہ مکی سورۃ ہے یا مدنی یا دونوں یعنی مکی ومدنی۔

                                    امام سیوطیؒ نے الاتقان فی علوم القرآن میں اس سورۃ کا ذکر مختلف فیہ سورتوں میں کیا ہے،مختلف

                                    فیہ سورتیں وہ ہیں جن کے بارے میں مفسرین کا اختلاف ھو کہ آیا یہ مکی ھیں یا مدنی؟اس سورۃ

                                    کے بارے میں مفسرین کے چار اقوال ہیں۔

                                    پہلا قول :اکثر علماء کی رائے یہ ھے کہ سورۃ فاتحہ مکی سورۃ ہے۔

                                    (راجح قول کے مطابق مکی سورت اس کو کہا جاتا ہے جس کا نزول ہجرت مدینہ سے پہلے ھواھو،

                                    چاہے مدینہ ہی میں نازل کیوں نہ ھوا ھو۔)

                                    دوسرا قول  : اس بارے میں دوسرا قول یہ ہے کہ یہ سورت مدنی ہے یعنی اس کا نزول ہجرت

                                    مدینہ سے پہلے ھوا ھے۔

                                    تیسرا قول  : اس بارے میں تیسرا قو ل یہ ہے کہ یہ سورت مکی مدنی ہے یعنی اس سورت کا نزول

                                    دو مرتبہ ھوا ھے،پہلی بار مکہ میں فرضیت نماز کے وقت اور دوسری بار مدینہ میں تحویل قبلہ کے

                                    وقت یعنی قبلہ تبدیل کرنے کے وقت۔

                                    چوتھا قول  : اس سورت کے نزول کے بارے میں چوتھا قول یہ ہے کہ اس سورت کی نصف

                                    اول مکہ میں جب کہ نصف آخیر مدینہ میں نازل ھوئی تھی ،یعنی یہ سورت آدھی مکی ہے اور آدھی مدنی۔

                                                                        خلاصہ کلام اور حتمی فیصلہ

                                    جمہور مفسرین کے نزدیک پہلا قول اصح یعنی صحیح ترین ہے،۔

بعض مفسرین تیسرے قول کو صحیح کہتے ہیں جیسے صاحب تفسیر مدارک امام نسفیؒ  حنفی۔

دوسرے قول کے بارے میں جمہور مفسرین کہتے ہیں کہ اس میں امام مجاھد منفرد ہے۔

اور چوتھے قول کو محققیں مفسرین نے ضعیف اور غریب قرار دیا ہے۔

حوالہ جات      ::          1۔تفسیر ابن کثیراز عمادالدین ابن کثیر              2۔ تفسیر  کبیر از امام رازیؒ

                                    3۔تفسیر بغوی از امام بغویؒ                                4۔تفسیر بیضاوی از امام بیضاویؒ

                                    5۔تفسیر روح المعانی از علامہ آلوسی حنفیؒ             6۔تفسیر مدارک از امام نسفی حنفیؒ